الأربعاء , 23 نوفمبر 2016, 4:41 م
الرئيسية / منتديات الوعد / الأرض أرضكم و البلاد بلادكم…
قضيّة سائق التّاكسي

الأرض أرضكم و البلاد بلادكم…

الي في وسط الصورة ولد صغير،عمرو 19 سنة من متساكني حي الخضراء، و يحضر في روحو لهجة من هذا البلد التعيس…وقف تاكسي الصباح من l’avenue مروح لحومتو، و كأي تاكسيست جربوع جاوبو الجواب السحري “ماكش في ثنيتي” …الولد كبش باش يوصلو، (و هذا حقو)و التاكسيست خدم فيسع، جبد بطرة من بين ثناياه و عطاهالو في القلب ديراكت و لاذ بالفرار ، الولد توفى و التاكسيست جابوه بالسيري و نومرو البلاكة، طلع مالأمن الرئاسي و يخدم تاكسيست في أوقات الفراغ (ياكل في قسمو و قسم غيرو)…
السؤال الي يطرح نفسو لهنا، كيفاش السادة القضاة و الحنوشة و الرأي العام و موزاييك و نقابة الثعابين باش تتعامل مع قضيتو ؟
إذا تقول باش يتعدى محاكمة عادلة و يشد الحبس كي غيرو لإساءتو لقطاعي الأمن و التاكسيستية..أبعث N1

إذا تقول باش تطلع لوغة الي الولد المرحوم قاللو يا طاغوت يا راس لمبوط و التاكسيست/الحنش تذكر أصحابو الشهداء و ارهاب ديغاج، ولى دغرو من غير ما يشعر…أبعث N2

إذا تقول باش تتحرك نقابة الثعابين و يعديو البحث، جرح على وجه الخطأ و صليو عالنبي و الحديد يزيد و الشيطان حضر…أبعث N3

إذا تقول باش يقولوا الي التاكسيست صارتلو ديبراسيون مالأحداث الارهابية الاخيرة و ولّى على أعصابو و زيد ما تلز يخدم عالتاكسي كان من ظروفو و الشهرية الي ما تكفيش (فرصة باش يطالبوا بزيادة اخرى و باش يعديو زميلهم للسبيطار ميليتار او سبيطار المرسى) أبعث N4

أما إذا تقول الي أحنا شعب طحان و نستاهلوا يتراڨصوا علينا هالإمارك…ما تبعث شي، جوست صب النصيب الي كتب في صندوق دعم الأمنيين ضد الإرهاب و غم على راسك و ارڨد.

بقلم واحد قالق.

عن قسم الأخبار

Profile photo of قسم الأخبار

شاهد أيضاً

المفكر يوسف الصديق

يوسف الصديق: “لا فرق بين الغنوشي وابي عياض”

الوعد التونسي: تونس: في حوار له مع الزميلة “اخبار الجمهورية” قال المفكر يوسف الصديق ان …

اترك رد